Hoe sê hulle? ’n Boer maak ’n plan.

En dis presies wat Roubert gedoen het.

Na heelwat kreatiewe pogings van sy kant af, het ek uiteindelik vir hom ’n boodskap gestuur: “As jy nog kans sien... kom ons drink ’n koffie.”

Ek het Potchefstroom toe geskiet en hy het my met ’n Mugg & Bean-koffie by my niggie se woonstel kom oplaai. Ons het deur die dorp gery, gesels in sy bakkie en gelag soos ou vriende. Toe ons by sy woonstel stop, mors ek natuurlik in sy geliefde bakkie. Maar toe ek daardie wet wipe uithaal, het hy geweet: hierdie is my vrou.

Daai aand het ons vas gedans in sy sitkamer. En van toe af wou ons mekaar net weer en weer sien.

’n Paar weke later vat hy my plaas toe. Dit was by die 200m-merk wat Oom Nick my uitgedaag het: “As jy die pienk kolletjie raakskiet, koop ek die diamant.”

Twee skote later was dit regtig raak…

Op 5 September 2024, het Roubert my gevra om sy meisie te wees. Dit was die tweede maklikste “ja” van my lewe.

Die eerste een? Was Op 30 November 2024, met sonsondergang in die wildskamp, met ’n ring in sy hand en hy op sy knie, het hy my gevra om sy vrou te word.

En sonder twyfel het ek gesê:

“JA.”

Nou nooi ons jou om saam met ons die begin van ons altyd te vier.